Oppskrifter

Åkerring er ei rå, grov eldhusrøykt middagspølse. Den milde fine røykesmaken gjer at den passar godt til kvit saus. I Åkrafjorden har det tradisjonelt sett vore brukt mykje «saus og poteta» som middagsmat anten det er til pølsa, kjøt eller fisk.

Mat i farta, kjapp og godt når du har det litt travelt. Egnar seg óg særs godt til niste til kvardags eller på tur. Ein går og gler seg til lunsj, vi veit for vi har prøvt.

Komlekjøtt er beinfri, lettsalta og eldhusrøykt svinebog oppdelt i passe store terningar. Då me byrja å selgje produktet var det tenkt som tilbehør til komla (derav namnet), men det er selfølgelig egna til mange andre middagsrettar og supper. Ein favoritt er å servere det i/med lys kraftsaus. Kjempegodt, berre prøv.

I Åkrafjorden er matretten sosakjøtt tradisjonelt sett brukt som søndagsmiddag eller som selskapsmat til store anledningar som bryllup, konfirmasjon eller barnedåp. Grunnen til dette er for det første at det smakar utrulig godt, i tillegg til at det er mat som held seg godt/fint og er lett å servera og å halda varmt. Tradisjonen seier poteter, grønnsaker og tyttebærsyltetøy som tilbehør, men det fungerer like godt med ris og saltat.

Pannekaker er noko dei aller fleste likar. I kring Åkrafjorden er det vanleg å lage fleskepannekaker til lunsj, eller til middag, eller til kvelds, eller berre når me har lyst på noko godt. Supert til nistemat óg. Det er mange oppskrifter på røre, men her får du vår favoritt, berre littegrann søtna med vaniljesukker. Det gjev ein fin kontrast til den milde røykesmaken og saltet på baconet.

Løksaus kan ein bruke til mange typar middagar men me likar den særs godt til eldhusrøykte produkt som åkerring/hardangerpølse og lettsalta eldhusrøykt lammebog. Damp Eldhusrøykt Lammebog på rist (ca 1 1/2 – 2 timar). Bruk krafta til å lage løksausen.

Lag heimelaga kålrabistappe, kok Åkerring og poteter. Servér eit festmåltid.

Det eldhusrøykte og tørrsalta baconet vårt kan ein bruka i utallege rettar, alt i frå dei tradisjonelle middagsrettane til dei meir moderne og kjappe. Denne spagettiforma er ein favoritt i heimen vår, elska av både store og små. Retten passar óg godt når ein får gjester ei kveldsstund. Spagettiforma kan lagast klar på førehand og settast i ovnen når gjestene kjem. Så kan ein heller bruke tida i lag med dei.

Til spekemat kan ein variere med eit uttal av godt tilbehør og salatar. Til ein god helgefrokost er det eit absolutt «must» hjå oss å ha eggesalat. Det smakar utruligt godt i lag med spekepølse og spekeskinke. Eggesalat høyrer kanskje avansert ut, men i røynda er den veldig enkel å lage. I alle fall vår variant. Server den i ei fin lita skål og eg er sikker på du kjem til å hauste mykje «vel-leta» som me seie i Åkrafjorden.

Ostesmørbrød er ofte redninga når ein ikkje rekk å lage middag før ein hastar vidare, eller det kan vera ein kosekvelds når ein er fysen på noko godt. Den smakfulle Kryddersalamien vår egnar seg veldig godt til dette, berre prøv.

Bakt potet er eit godt alternativ til hyggemat. Om ein er mange til bords er dette ein enkel rett å lage utan stress. Ein kan fylle poteta med forskjellige godsaker, men vår erfaring er at bacon alltid er ein suksess.

Det er ikkje mykje som slår heimelaga potetsalat og spekemat, spør du oss. Flatbrød, eggerøra, litt druer og melon; .. eit herremåltid.
Potetsalaten er òg eit sjølvsagt tilbehør til grillmat.

Rømmegraut er skikkelig tradisjonsmat, og grauten vart mykje brukt som festmat før i tida. Servert med sukker, kanel, rosiner på toppen og spekemat (gjerne fenalår) attåt smakar det heilt nydeleg. Vår oppskrift inneheld litt semulegryn noko som er typisk for oppskrifter frå vestlandet. Me har også litt sukker i grauten under koking, men det kan ein sløyfe om ein vil.

Heimelaga blomkålsuppa smakar nydelig. Med sprøsteikt Lundal bacon på toppen kan den serverast som middag eller som ein deilig kveldsrett.

Komle er skikelig god og tradisjonsrik norsk middagsmat.
Det fins ulike variasjonar både i komler og tilbehør, men me likar eldhusrøykt svinebog eller lammebog, åkerring, eldhusrøykt bacon og kålrabistappe til. Det er populært å henta fram dei gamle oppskriftene når dei treng litt inspirasjon til middagstips. Inviter familie og venner neste gong du skal lage, det så kjekt om ein er mange som deler ein komlemiddag!

Italiano, pepperoni , salami al pesto er smakfulle spekepølser som alle er kjempegode å bruka til pizza. Ein kan velge ei av dei eller mikse. Prøv deg fram, og finn din favoritt!

Pai er populært å servere og få servert. Her er oppskrift på ein herlig pai med salami al pesto og brokkoli. For å variera kan ein bytte ut salami al pesto med tørrsalta, eldhusrøykt bacon frå oss. Denne paien smakar godt til både kvardag og fest. Ekstra smakfullt blir det med ein god salat servert ved siden av.

Vårt tørrsalta og eldhusrøykte bacon gjev ein ekstra piff til denne nydelige brokkolisalaten. Salaten er det perfekte tilbehøret til svinekjøtt eller kylling; – eller til grillmaten. Den er óg eit «must« til tapas, spekemat eller aleine til foccacia eller godt saftig brød.

Åkerring er ei rå, grov og eldhusrøykt pølsa. Det at pølsa er rå gjer at ein alltid får smaken av nykokt pølsa. Prøv den saman med vårt tørrsalta eldhusrøykte bacon til heimelaga rotstappe, heilt nydelig!

Bayonneskinka vår er ekstra god og fin og er laga av svin flatbiff. Den er passelig salt og me eldhusrøyker den for å gje ho den fine særeigne og milde røykesmaken som produkta våre er kjent for. Bayonneskinka er rå og anbefalt koketid er 1-2 timar alt etter størrelsen på skinka. Bayonneskinka smakar like godt varm som kald, og brukast til middagsmat, som pålegg eller til koldbord og salatar. Sjekk ut oppskriften våre for fleire tips.

Bayonneskinka vår er ekstra god og fin og er laga av svin flatbiff. Den er passelig salt og me eldhusrøyker den for å gje ho den fine særeigne og milde røykesmaken som produkta våre er kjent for. Bayonneskinka er rå og anbefalt koketid er 1-2 timar alt etter størrelsen på skinka. Bayonneskinka smakar like godt varm som kald, og brukast til middagsmat, som pålegg eller til koldbord og salatar. Sjekk ut oppskriften våre for fleire tips.

Møyr og god biffsnadder er alltid bankers og ein kan bruka den i mange forskjellige rettar og gryter.

Bayonneskinka vår er ekstra god og fin og er laga av svin flatbiff. Den er passelig salt og me eldhusrøyker den for å gje ho den fine særeigne og milde røykesmaken som produkta våre er kjent for. Bayonneskinka er rå og anbefalt koketid er 1-2 timar alt etter størrelsen på skinka. Bayonneskinka smakar like godt varm som kald, og brukast til middagsmat, som pålegg eller til koldbord og salatar. Sjekk ut oppskriften våre for fleire tips.

Ein enkel biffsalat passar godt som lunsj eller eit lett måltid.

Pølsegrateng er ein enkel og sunn kvardagsmiddag som fell i smak hos store og små. Med vår eldhusrøykte Hardangerpølse/Åkerring får du god smak på gratengen. Her kan du enkelt vareiere kva slags grønsaker du ønsker å ha oppi. Serveres gjerne med eit godt brød attåt.

Fylt paprika er ein enkel og smakfull rett . Dette er ei oppskrift ein kan variere innholdet i etter kva ein likar, eller ein på ein enkel måte å få brukt opp restar på om ein har noko liggande.

Tacopai er ein annan vri på fredags tacoen. Lag ein pai og putt oppi dei grønsakene du sjølv likar best. Lag gjerne paibunnen kvelden før, eller du kan kjøpe ferdig paibunn alt etter kva du har tid til.

Kålrabistappe er kjempegodt tilbehør til eldhusrøykte produkter. Det fins mange gode oppskrifter på stappe, men valget vårt er denne med gulrot i. Gulrot gjev ein fin søtlig smak til stappa noko som passar ekstra godt til eldhussmaken på Lundalprodukta synes me.

Julemiddagen er kanskje det måltidet i året ein ønsker aller mest å lykkas med i heile året. Fleire generasjonar er gjerne samla rundt bordet, og det er knytta mykje tradisjon, forventning og gode følelsar rundt den.