Åkerring med kvit saus

Åkerring er ei rå, grov eldhusrøykt middagspølse. Den milde fine røykesmaken gjer at den passar godt til kvit saus. I Åkrafjorden har det tradisjonelt sett vore brukt mykje «saus og poteta» som middagsmat anten det er til pølsa, kjøt eller fisk.
Dette treng du

Åkerring (1 pølse til 2 pers)
1 stor gulrot
Poteter
Grønsaker (for eksempel brokkoli og blomkål)
3 ss melange
3 ss kveitemjøl
Ca. 4 dl mjølk
Salt og pepper

Slik går du fram
Kok Åkerring ca 22 min. (1 pølse til 2 pers). Brukar ein Hardangerpølse treng den berre å gjennomvarmast.

Skrell 1 stor gulrot og del i skiver. Kok.

Kok poteter og grønsaker.

Kvit saus til fire personar lagar du av melange, kveitemjøl og mjølk. Smelt melange og ha i kveitemjøl. Tilsett litt og litt av mjølka medan du rører godt. Spe gjerne med litt kraft frå gulrøttene til passe tjukk saus. Ha i gulrøttene. Smak til med salt og pepper, eventuelt ha i litt av pølsekrafta. La småkoke 5-10 min.